Side Menu
İnformasiya Texnologiyalarının İnkişafı Dövlət Fondu | İnformasiya Texnologiyalarının İnkişafı Dövlət Fondu Startap ekosisteminin inkişafına dəstək verir
AAF77950A56E3D4C84235842FE4AA479
4907
single,single-post,postid-4907,single-format-standard,ajax_fade,page_not_loaded,,boxed
   

İnformasiya Texnologiyalarının İnkişafı Dövlət Fondu Startap ekosisteminin inkişafına dəstək verir

Bu gün Azərbaycan Respublikası Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondunda “Startap Azərbaycan” layihəsi çərçivəsində “Startap ekosisteminin inkişafında binzes inkubatorlarının, akseleratorların və digər dəstək proqramlarının rolunun gücləndirilməsi” mövzusuna həsr olunmuş görüş keçirilmişdir.
Görüşün əsas məqsədi ölkədə Startap hərəkatının genişlənməsi, innovativ layihələrin inkişafı və bu sahədə mövcud problemlər haqqında fikir mübadiləsi aparmaq olub. Həmçinin, Startap nəticələrinin kommersiyalaşdırılması, investrorlar klubunun yaradılması və İT layihələrə maliyyə yatırımı edən investorların maraqların qorunması, startap mədəniyyəti, biznes inkubator və akseleratorlarda fəaliyyət göstərən müəllim-tələbə heyətinin stimullaşdırılması və digər məsələlərin müzakirəsi də aparılıb.
Fondun icraçı direktoru Elçin Zeynalov görüşün məqsədi və Fondun startap layihələrə göstərdiyi dəstək haqqında məlumat verib. Tədbirdə iştirak edən “Startap Azərbaycan” Hərəkatı, Yüksək Texnologiyalar Parkı, Qafqaz Universitetinin Texnoparkı, Memarlıq və İnşaat Universitetinin Biznes İnkubatoru, Azərbaycan Dövlət Neft və Sənaye Universitetinin “NextStep” İnnovasya Mərkəzi, “Azercell”in Barama İnnovasiya Mərkəzi, “Bakcell”in AppLab İnnovativ Mobil İnkişaf Mərkəzi, “Baku Business Factory” və digər startap ekosisteminin üzvləri də çıxış etmişdirlər. Görüşün sonunda startap layihələrinin inkişafı üçün konkret təkliflər müzakirə olunub, təqdim olunan təkliflər ətrafında fikir mübadiləsi aparılıb.
Qeyd edək ki, Fondun əsas məqsədi İKT sahəsində dövlət siyasətinin həyata keçirilməsinə yardım etmək, innovativ sahibkarlıq fəaliyyətini dəstəkləmək, intellektual biznes, innovasiya və elmi-tədqiqat layihələrini stimullaşdırmaq, müasir infrastrukturun inkişafına təkan vermək, kiçik və orta sahibkarlıq subyektlərinə maliyyə dəstəyi göstərmək, bu sahəyə yerli və xarici investisiyaları cəlb etməkdən ibarətdir.
Fond tərəfindən 3 qrant müsabiqəsi keçirilmişdir. Bu müsabiqələr çərçivəsində Fonda 461 layihə təqdim edilmişdir. Onlardan 62-i bütün mərhələlərdən keçərək Fondun Müşahidə Şurası tərəfindən qalib elan edilmişdir. Qrant müsabiqələrinin qaliblərinə ümumilikdə 860 000 manatdan artıq vəsait ayrılmışdır ki, bu da öz növbəsində innovativ bizneslə məşğul olan gənc sahibkarların öz ideyalarını reallaşdırmasında önəmli rol oynamışdır. Qrant müsabiqələrinin qaliblərinin 43 %-i yaşı 29-dan aşağı olan şəxslərdir.

 


Print Friendly